新年食滯唔使怕　3分鐘自製消滯飲品

新年吃的食物都屬溫熱、超肥膩又易聚濕，食滯又喉嚨勁痛者，相信為數不少。想消滯有乜辦法？

1.山楂或陳皮焗水飲

不想滯住過年，又試過飲花茶清腸胃無效果者，建議不妨走入阿媽個廚房尋寶，搵些山楂或陳皮來焗水飲，實行以這兩種具有行氣作用的中藥，加強「滯」留胃部食物的消化作用。

消滯焗飲：山楂（9克）或陳皮（6克）

熱水焗泡，全日反覆沖飲。

事實山楂及陳皮的行氣作用都較花茶強，且藥性易揮發，只需熱水焗製1-2 分鐘，藥效已能釋放，針對食滯狀況是相對方便的泡飲中藥。

但要注意的是，因山楂味道帶酸，如本身胃酸較多、容易胃部不適者，宜選用陳皮來消滯。

2.羅漢果及胖大海減輕喉嚨痛

至於想急救喉嚨痛，尤其剛有少少吞口水喉嚨痛不適時，另有兩種阿媽廚房都可能有的中藥幫手，就是可清潤利咽的羅漢果及胖大海。

喉嚨痛焗飲：羅漢果（半個）或胖大海（3-4粒）

熱水焗泡，全日反覆沖飲。

一般初起徵狀飲用後，大多翌日喉嚨痛已可無恙。當然，期間也要限制煎炸食物，以免再有增加難消化溫熱食物滯在胃部啦。